მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ჰეპამედი #30კაფს
  ჰეპატოპროტექტორი

 

წამლის ფორმა: კაფსულები.

შემადგენლობა:  ჰეპამედის მშრალი ექსტრაქტი - 0.15გ
დამხმარე ნივთიერებები: სახამებელი; მაგნიუმის ფუძე კარბონატი.   

საერთო დახასიათება: თეთრი ფერის კაფსულები მონაცრისფრო-მოყავისფრო შიგთავსით.

ფარმაკოლოგიური ჯგუფი:  ჰეპატოპროტექტორი.

ფარმაკოლოგიური მოქმედება: ჰეპამედის მშრალი ექტრაქტი მიიღება მწვანე უმწიფარი კაკლის (juglans regia L.) ნაყოფების გარეკანიდან და ხასიათდება მრავალმხრივი ფარმაკოლოგიური მოქმედებით. კაკლის ნაყოფებს გააჩნია ანთების საწინააღმდეგო, ანტიმიკრობული, ანტიოქსიდანტური, ნაღვლმდენი, ლორწოვანი გარსის ამომფენი, შარდმდენი, ჭრილობის შემახორცებელი, ზოგადმატონიზირებელი მოქმედება.
 ,,ჰეპამედი'' აუმჯობესებს კუჭ-ნაწლავის ტრაქტის ფუნქციას, ხელს უწყობს საჭმლის მონელებას, ახასიათებს ჰეპატოპროტექტორული და ნაღვლმდენი მოქმედება, იცავს ღვიძლს დამაზიანებელი ფაქტორებისაგან.
მწვანე (უმწიფარი) კაკლის ნაყოფების გარეკანი დიდი რაოდენობით შეიცავს ვიტამინ С-ს, ასევე, შეიცავს ვიტამინებს: В1, В6, Е, პროვიტამინ А, ალკალოიდ იუგლონს, ეთერზეთებს, ორგანულ მჟავებს, ფენოლკარბომჟავებს, ფლავონოიდებს,  კუმარინებს, მთრიმლავ ნივთიერებებს.
კუმარინებს და ფლავონოიდებს ახასიათებს ანტიმიკრობული, სპაზმოლიზური, ნაღვლმდენი, შარდმდენი მოქმედება, Р ვიტამინური აქტივობა. В1 ვიტამინი არეგულირებს ნერვული სისტემის, სისხლის მიმოქცევისა და საჭმლის მომნელებელი ორგანოების ფუნქციას, В6 ვიტამინს ახასიათებს ღვიძლის ფუნქციის გასაუმჯობესებელი მოქმედება. ვიტამინი С არეგულირებს სისხლძარღვთა კედლების გამტარობას, ამაღლებს ორგანიზმის მდგრადობას სხვადასხვა ინფექციებისადმი, აუმჯობესებს ღვიძლისა და თირკმელების ფუნქციას, მონაწილეობს ჟანგვა-აღდგენით პროცესებში.

ჩვენება:

  • ღვიძლის დაავადებების პროფილაქტიკა;
  • ღვიძლის ქრონიკული ანთებითი დაავადებები;
  • ღვიძლის ალკოჰოლური, სხივური და ტოქსიური დაზიანებები;
  • ღვიძლის ციროზის მკურნალობა კომბინირებული თერაპიის შემადგენლობაში;
  • ანთების საწინააღმდეგო არასტეროიდული საშუალებებით, ანტიბიოტიკებით და სხვა მედიკამენტებით ხანგრძლივი მკურნალობის შემდგომ პერიოდში.
  • ჰეპატიტი;
  • ქოლეცისტიტი, ქოლანგიტი, სანაღვლე გზების დისკინეზია;
  • კუჭ-ნაწლავის ტრაქტის ფუნქციის მოშლა (გასტრიტი, კოლიტი, ენტერიტი, დიარეა).

 

მიღების წესი და დოზირება: მიიღება პერორალურად.
მოზრდილებში: 1-2 კაფსულა 3-ჯერ დღეში საკვების მიღებამდე ნახევარი საათით ადრე. მკურნალობის პერიოდში აუცილებელია დიეტის დაცვა.
მკურნალობის კურსის ხანგრძლივობაა 2 თვე.
ჰეპატიტის, ღვიძლის ქრონიკული ანთებითი დაავადებების, ღვიძლის ციროზის დროს აუცილებელია 2 თვიანი მკურნალობის კურსის ჩატარება წელიწადში ერთჯერ 3 წლის განმავლობაში.

უკუჩვენება: მომატებული მგრძნობელობა პრეპარატში შემავალი კომპონენტების მიმართ. თირკმელ-კენჭოვანი და ნაღველ-კენჭოვანი დაავადებები.
გვერდითი მოვლენები: შესაძლებელია გამოიწვიოს ალერგიული რეაქციები.
დოზის გადაჭარბება: დოზის გადაჭარბების შემთხვევები არ დაფიქსირებულა.
ორსულობისა და ლაქტაციის პერიოდი: ორსულობისა და ლაქტაციის პერიოდში პრეპარატის უსაფრთხო გამოყენების შესახებ მონაცემები არ არის წარმოდგენილი.
სხვა პრეპარატებთან ურთიერთქმედება: სხვა პრეპარატებთან ურთიერთქმედება აღწერილი არ არის. 

გამოშვების ფორმა: 
პირველადი შეფუთვა: 10 კაფსულა  ბლისტერზე.
მეორადი შეფუთვა: სამი ბლისტერი მუყაოს კოლოფში.

ვარგისობის ვადა:  3 წელი.

შენახვა: ინახება ოთახის ტემპერატურაზე, მშრალ, სინათლისგან დაცულ და ბავშვებისთვის მიუწვდომელ ადგილზე.

ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!

აფთიაქიდან გაცემის წესი: ფარმაცევტული პროდუქტის ჯგუფი III - გაიცემა რეცეპტის გარეშე.




"
Copyright (c) 2010 NEOPHARMI+ LTD - All Rights Reserved