მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
იოდის 5% 10მლ
ანტისეპტიკური საშუალება

 

წამლის ფორმა:  ხსნარი.

შემადგენლობა: მოქმედი ნივთიერება იოდი - 5გ.
დამხმარე ნივთიერებები: კალიუმის იოდიდი 2გ, ეთილის სპირტი 95% და გამოხდილი წყალი თანაბარი რაოდენობით -100მლ ხსნარის მიღებამდე.

აღწერა: გამჭვირვალე, მურა-წითელი ფერის სითხე, დამახასიათებელი სუნით.

ათქ კოდი: D08AG03

ფარმაკოლოგიური ჯგუფი: ანტისეპტიკური საშუალება.

ფარმაკოლოგიური მოქმედება: იოდი გამოიყენება, როგორც ანტისეპტიკური და ბაქტერიციდული საშუალება ქსოვილებისა და ლორწოვანი გარსების ჩირქოვან-ანთებითი დაავადებების სამკურნალოდ. აღნიშნული ფარმაკოლოგიური მოქმედება ემყარება ცილების კოაგულაცის შედეგად იოდამინების წარმოქმნის უნარს. როგორც ადგილობრივი გამაღიზიანებელი საშუალება, იოდი გამოიყენება მიოზიტებისა და ნევრალგიების სამკურნალოდ.
შიგნით მიღებისას იოდი აქტიურად მოქმედებს ნივთიერებათა ცვლაზე. განსაკუთრებით გამოხატულია მისი ზემოქმედება ფარისებრი ჯირკვლის ფუნქციაზე.Oიოდი მოქმედებს ცილოვან და ლიპიდურ ცვლაზეც, ამცირებს ქოლესტერინის დონეს სისხლში.  

ფარმაკოკინეტიკა: იოდი ორგანიზმიდან გამოიყოფა თირკმელებით (ძირითადად), ნაწლავებით, სარძევე და საოფლე  ჯირკვლებით.  
 
ჩვენება:
გარეგანად:

  • ჭრილობების, მიკროტრავმების, დაჟეჟილობებისას;
  • საოპერაციო არის დასამუშავებლად;
  • მიოზიტებისა და ნევრალგიებისას;
  • ანთებითი ინფილტრატებისას;
  • ოზენას დროს.

შიგნით მისაღებად:

  • ათეროსკლეროზის პროფილაქტიკისა და მკურნალობისთვის;
  • სიფილისის დროს (მესამეული);
  • ჰიპერთირეოზის, ენდემური ჩიყვისას;
  • ვერცხლიწყლითა და ტყვიით მოწამვლის დროს.

გამოყენების წესი და დოზირება:
გარეგანად.
გამოიყენება როგორც ანტისეპტიკური და ადგილობრივი გამაღიზიანებელი საშუალება კანის დაზიანებულ ან მტკივნეულ უბნებზე წასასმელად.
პერორალურად.
იოდის სპირტიან ხსნარს ღებულობენ ჭამის შემდეგ რძესთან ერთად!
ათეროსკლეროზის პროფილაქტიკის მიზნით ინიშნება 1-10 წვეთი 1-2-ჯერ დღეში 30 დღის განმავლობაში (კურსის გამეორება საჭიროა წელიწადში 2-3-ჯერ). ათეროსკლეროზის მკურნალობის მიზნით _ 10-12 წვეთი 3-ჯერ დღეში, სიფილისის დროს - 5-50 წვეთი 2-3ჯერ დღეში.
შიგნით მიღებისას მოზრდილთათვის უმაღლესი ერთჯერადი დოზა - 20 წვეთი, უმაღლესი სადღეღამისო დოზა - 60 წვეთი.
ბავშვებისთვის - 3-5-წვეთი 2-3-ჯერ დღეში. 5 წლამდე ბავშვებს არ ენიშნებათ.E

დოზის გადაჭარბება: იოდის ორთქლის შესუნთქვისას აღინიშნება ზედა სასუნთქი სისტემის დაზიანება (წვა, ლარინგობრონქოსპაზმი), იოდის კონცენტრული ხსნარის შიგნით მოხვედრისას ვითარდება საჭმლის მომნელებელი სისტემის მძიმე დამწვრობა, ჰემოლიზი, ლეტალური დოზა შეადგენს 3.0გ.
მკურნალობა: კუჭის გამორეცხვა 0,5% ნატრიუმის თიოსულფატის ხსნარით, პარენტერალურად შეყავთ 30% ნატრიუმის თიოსულფატის ხსნარი 300მლ-მდე.
       
გვერდითი მოვლენები: იოდიზმი (სურდო, კანზე გამონაყარი, ჭინჭრის ცხელება, სალივაცია, ცრემლდენა და სხვ.).

უკუჩვენებები:
ინდივიდუალური აუტანლობა იოდის მიმართ.
შიგნით მიღებისას - ფილტვის ტუბერკულოზი, ნეფრიტი, ფურუნკულოზი, აკნე, ჭინჭრის ციება, ქრონიკული პიოდერმია, ჰემორაგიული დიათეზი, ორსულობა, ბავშვთა ასაკი 5 წლამდე.

ორსულობა და ლაქტაცია:
ორსულობისა და ლაქტაციის დროს პრეპარატის პერორალური მიღება უკუნაჩვენებია.

ზემოქმედება ავტოტრანსპორტისა და მექანიზმების მართვის უნარზე:
პრეპარატი არ მოქმედებს ავტოტრანსპორტისა და მექანიზმების მართვის უნარზე.

გამოშვების ფორმა: 10მლ ხსნარი მუქი ნარინჯისფერი შეფერილობის პოლიმერული მასალის ან მინის ფლაკონებში;

სხვა პრეპარატებთან ურთიერთქმედება: იოდი ფარმაცევტულად შეუთავსებელია ეთერზეთებთან, ამიაკის ხსნართან, თეთრ დანალექ ვერცხლისწყალთან (წარმოიქმნება ფეთქებადი ნარევი).
იოდი ამცირებს ლითიუმის პრეპარატების ჰიპოთირეოიდულ და სტრუმოგენულ  მოქმედებას.

გაცემის წესი:  ფარმაცევტული პროდუქტის III ჯგუფი - აფთიაქიდან გაიცემა ურეცეპტოდ.

ვარგისიანობის ვადა:   3 წელი.

შენახვის პირობები: ინახება სინათლისგან დაცულ ადგილზე, არაუმეტეს 25C  ტემპერატურის პირობებში.

ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.



"
Copyright (c) 2010 NEOPHARMI+ LTD - All Rights Reserved