მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ნეოსპირინი + C #20 ტაბ (შუშხუნა)
ანთების საწინააღმდეგო არასტეროიდული საშჲალება

ერთი ტაბლეტის შემადგენლობა:

 აცეტილსალიცილის მჟავა _ 400 მგ ასკორბინის მჟავა _ 240 მგ დამხმარე ნივთიერებები: ნატრიუმის ჰიდროკარბონატი, უწყლო ლაქტოზა, ლიმონმჟავა, ფორთოხლის არომატიზატორი, ნატრიუმის კარბონატი, სახარინი, პეგი და პვპ _ საჭირო რაოდენობა 2,0გ ტაბლეტის მასის მისაღებად.

ფარმაკოლოგიური მოქმედება:

აცეტილსალიცილის მჟავა არასტეროიდული ანთების საწინააღმდეგო საშუალებაა, აქვს ანალგეზიური, სიცხის დამწევი მოქმედება. ასკორბინის მჟავას აქვს ანტიოქსიდანტური, ანთების საწინააღმდეგო მოქმედება. აძლიერებს ორგანიზმის წინააღმდეგობის უნარს ინფექციური დაავადებების მიმართ.

ფარმაკოკინეტიკა: პერორალური მიღების შემდეგ აცეტილსალიცილის მჟავას მაქსიმალური კონცენტრაცია (ჩმახ) სისხლის პლაზმაში მიიღწევა 3 სთ-ში. პრეპარატის კავშირი პლაზმის ცილებთან შეადგენს 80-85%-ს, დოზის მომატებით პლაზმის ცილებთან მისი შეკავშირების ხარისხი 50%-მდე მცირდება. აცეტილსალიცილის მჟავა განიცდის ნაწილობრივ მეტაბოლიზმს ღვიძლში, ნაკლებად აქტიური მეტაბოლიტების წარმოქმნით. გამოიყოფა თირკმელების საშუალებით, როგორც შეუცვლელი, ასევე მეტაბოლიტების სახით. პრეპარატის ექსკრეციის სიჩქარე და ხარისხი დამოკიდებულია შარდის PH-ზე.

ჩვენება: გრიპი, მწვავე რესპირატორული და სხვა ცხელებით მიმდინარე დაავადებები (ტემპერატურისა და ტკივილის მოსახსნელად, ორგანიზმის მოსაძლიერებლად).

 გვერდითი მოვლენები:

იშვიათ შემთხვევაში აღინიშნება ჰიპერერგული რეაქციები (ბრონქოსპაზმი, კანის რეაქციები). ძალიან იშვიათ შემთხვევებში _ კუჭ_ნაწლავის მხრიდან სისხლდენები, სისხლში თრომბოციტების რაოდენობის შემცირება (თრომბოციტოპენია).

უკუჩვენება:

ალერგიული რეაქციები, ორსულობის ბოლო ტრიმესტრი, ლაქტაცია, კუჭის და თორმეტგოჯა ნაწლავის ქრონიკული დაავადებები, სისხლდენისადმი მომეტებული მიდრეკილება, ანტიკოაგულანტებთან ერთდროული დანიშვნა. პრეპარატის დანიშვნა ბავშვებში და 15 წლამდე მოზარდებში არ შეიძლება. “ნეოსპირინი+C”_ს ტაბლეტების გამოყენება არ შეიძლება ბავშვებში რეის სინდრომის განვითარების საშიშროების გამო. სიფრთხილით გამოყენება: ანტიკოაგულანტებით თანმხლები მკურნალობის, პოდაგრის, კუჭის ან/და თორმეტგოჯა ნაწლავის წყლულოვანი დაავადებების (ანამნეზში), ეროზიული გასტრიტის, კუჭ-ნაწლავის ტრაქტიდან სისხლდენის მიდრეკილების, ჰიპოთრომბინემიის, K ჰიპოვიტამინოზის, ანემიის, ორგანიზმში სითხის შეკავების მდგომარეობის (მათ შორის გულის ფუნქციური დარღვევა, არტერიული ჰიპერტენზია), თირეოტოქსიკოზის დროს.

 პრეპარატის ურთიერთქმედება სხვა სამკურნალო საშუალებებთან:

აძლიერებს მეთოტრექსატის ტოქსიკურობას, ნარკოტიკული ანალგეზიურების, სხვა ანთების საწინააღმდეგო საშუალებების, პერორალური ჰიპოგლიკემიური პრეპარატების, ჰეპარინის, არაპირდაპირი ანტიკოაგულანტების, თრომბოლიზურების და თომბოციტების აგრეგაციის ინჰიბიტორების, სულფანილამიდების (მათ შორის ტრიმოქსაზოლის), ტრიიოდოთირონინის, რეზერპინის ეფექტებს. აქვეითებს ურიკოზურიული პრეპარატების (ბენზბრომარონი, სულფინპირაზონი), ჰიპოტენზიური საშუალებების და შარდმდენების (სპირონოლაქტონი, ფუროსემიდი) ეფექტებს. გლუკოკორტიკოსტეროიდები, ალკოჰოლი და ალკოჰოლის შემცველი პრეპარატები აძლიერებენ კუჭ-ნაწლავის ტრაქტის გარსზე დამაზიანებელ მოქმედებას, ზრდიან კუჭ-ნაწლავის ტრაქტიდან სისხლდენების განვითარების რისკს. ზრდის დიგოქსინის, ბარბიტურატების და ლითიუმის პრეპარატების კონცენტრაციას სისხლის პლაზმაში. ასკორბინის მჟავა აუმჯობესებს ნაწლავში რკინის პრეპარატების შეწოვას.

 მიღების წესი და დოზირება:

შუშხუნა ტაბლეტი მიღების წინ უნდა გაიხსნას 100მლ თბილ წყალში. მოზრდილებში რეკომენდებული დოზაა: პერორალურად 1-2 ტაბლეტი 3_ჯერ დღეში. მოზარდებში 15 წლიდან: 3/4-1 ტაბლეტი 3_ჯერ დღეში.

 ორსულობა და ლაქტაცია:

პრეპარატის მიღება ორსულობის (განსაკუთრებით ლ და ლლლ ტრიმესტრი) და ლაქტაციის პერიოდში დაუშვებელია ექიმთან კონსულტაციის გარეშე. ავტოტრანსპორტის და სხვა მექანიზმების მართვა: არ მოქმედებს სიფხიზლეზე, არ არღვევს ავტოტრანსპორტის და სხვა მექანიზმების მართვის უნარს.

 გამოშვების ფორმა:

10 შუშხუნა ტაბლეტი პოლიმერული მასალისგან დამზადებულ ტუბში მჭიდროდ მორგებული თავსახურით. ტუბზე ეკვრება ეტიკეტი და თავსდება მუყაოს კოლოფში ინსტრუქციასთან ერთად.

 ვარგისიანობის ვადა:

3 წელი.

შენახვის პირობები:

 ინახება მშრალ, გრილ, სინათლისგან დაცულ და ბავშვებისთვის მიუწვდომელ ადგილზე. ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.

გაცემის წესი:

ფარმაცევტული პროდუქტის ჯგუფი ლლლ - ურეცეპტოდ.



"
Copyright (c) 2010 NEOPHARMI+ LTD - All Rights Reserved