ნეოქოლდი ფორთოხლის არომატით #10 პაკეტი
ფორთოხლის არომატით
წამლის ფორმა:
ხსნარის მოსამზადებელი ფხვნილი პაკეტებში - 7გ.
ერთი პაკეტის შემადგენლობა:
პარაცეტამოლი 500მგ, ასკორბინის მჟავა 50მგ, კოფეინი 25მგ, მუკალტინი 50მგ, ალოეს მშრალი ექსტრაქტი 10მგ.
დამხმარე ნივთიერებები: შაქარი, სახარინ ნატრიუმი, ლიმონმჟავა, ნატრიუმის ციტრატი, ფორთოხლის ემულსია;
ნეოქოლდი წარმოადგენს კომბინირებულ პრეპარატს, რომელსაც გააჩნია სიცხის დამწევი, ოფლის მომგვრელი, ამოსახველებელი, ანთების საწინააღმდეგო, სუსტი ტკივილგამაყუჩებელი მოქმედება. ხსნის სისუსტის და დაღლილობის შეგრძნებას.
პარაცეტამოლს ახასიათებს ტკივილგამაყუჩებელი, სიცხის დამწევი, სუსტი ანთების საწინააღმდეგო მოქმედება. მოქმედების მექანიზმი დაკავშირებულია ჰიპოთალამუსში, თერმორეგულაციის ცენტრში პროსტაგლანდინების სინთეზის დათრგუნვასთან.
ასკორბინის მჟავა ზრდის ორგანიზმის მდგრადობას ინფექციებისადმი, ავსებს ორგანიზმის მოთხოვნილებას ჩ ვიტამინზე მწვავე რესპირატორულ-ვირუსული ინფექციების დროს.
მუკალტინი აწყნარებს ხველას, ფარავს დაზიანებულ ლორწოვან გარსს თხელი ფენით, არბილებს და შლის მკვრივ, ანთებით ნადებებს (ყელის, ხორხის, ხმოვანი იოგების), აჩქარებს დაზიანებული ლორწოვანი გარსის რეგენერაციას, იცავს სასუნთქი გზების ნერვულ დაბოლოებებს გაღიზიანებისაგან.
ალოეს მშრალი ექსტრაქტი ხასიათდება ბაქტერიციდული, ანტივირუსული, ანთების საწინააღ¬მდეგო, ანტიოქსიდანტური მოქმედებით, შეიცავს ბიოგენურ სტიმულატორებს.
კოფეინი ამცირებს დაღლილობის შეგრძნებას. თავის ტკივილის დროს აძლიერებს პარაცეტამოლის მოქმედებას. ინფექციური დაავადებებისას ახდენს ორგანიზმის სასიცოცხლო ძალების მობილიზებას.
ფარმაკოკინეტიკა:
პრეპარატი პერორალური მიღებისას სწრაფად და თითქმის მთლიანად აბსორბირდება. მაქსიმალურ კონცენტრაციას პლაზმაში აღწევს ერთ საათში. ანალგეზური ეფექტი ვლინდება პრეპარატის მიღებიდან 0,5-2 სთ-ის განმავლობაში. პარაცეტამოლის ბიოშეღწევადობა ქსოვილებში შეადგენს 80%-ს; პლაზმის ცილებს უკავშირდება მისი 20%. პლაზმიდან ნახევრადგამოყოფის პერიოდი შეადგენს 2-3 სთ-ს. მეტაბოლიზმს განიცდის ღვიძლში. წარმოქმნილი კონიუგატები (გლუკურონიდები და სულფატები) ორგანიზმიდან თირკმელების საშუალებით ელიმინირდება.
ჩვენება: გრიპის, გაციების სიმპტომური მკურნალობა, რისთვისაც დამახასიათებელია ტემპერატურის მატება, ცემინება, მწვავე რინიტი, თავის, ყელის, კუნთების ტკივილი.
უკუჩვენება:
• მომატებული მგრძნობელობა პრეპარატში შემავალი კომპონენტების მიმართ. P
• შაქრიანი დიაბეტი;
გვერდითი მოვლენები:
• რეკომენდებულ დოზებში გვერდითი მოვლენები არ აღინიშნება. ზოგჯერ მოსალოდნელია ალერგიული რეაქციები კანზე გამონაყარის, ქავილის, კვინკეს შეშუპების სახით.
• იშვიათად - ჰემოპოეზური სისტემის მხრივ დარღვევები.
• პრეპარატის მაღალი დოზით და ხანგრძლივი პერიოდით გამოყენებისას მოსალოდნელია ღვიძლის და თირკმელების ფუნქციის დარღვევა, რისთვისაც აუცილებელია სისხლის სურათის შემოწმება.
უსაფრთხოების ზომები:
• პრეპარატის დანიშვნა არ არის რეკომენდირებული ორსულობისა და ლაქტაციის პერიოდში.
• პრეპარატი სიფრთხილით ინიშნება მაო-ს ინჰიბიტორებთან, ბეტა-ადრენობლოკატორებთან კომბინაციაში.
• ნეოქოლდი სიფრთხილით ინიშნება შაქრიანი დიაბეტის მძიმე ფორმების, შინაგანი ორგანოების მძიმე ფუნქციური დარღვევების დროს, ჰიპერთირეოზის, კორონარული არტერიების გამოხატული ათეროსკლეროზისას.
• არ არის მიზანშეწონილი პარაცეტამოლის შემცველ სხვა სამკურნალო საშუალებებთან ერთად პრეპარატის ერთდროული გამოყენება.
• ნეოქოლდით მკურნალობისას დაუშვებელია ალკოჰოლის, საძილე საშუალებების და ტრანკვილიზატორების მიღება.
მიღების წესი და დოზირება:
პაკეტის შიგთავსი უნდა გაიხსნას ერთ ჭიქა ცხელ წყალში მორევით.
მოზრდილებში: 1 პაკეტი ყოველ 4-6 საათში ერთჯერ, მაგრამ არა უმეტეს 4 მიღებისა 24 საათის განმავლობაში.
მკურნალობის გაგრძელება არ არის რეკომენდირებული 5–ზე მეტი დღის განმავლობაში.
პრეპარატი განსაკუთრებით ეფექტურია გრიპისა და გაციების პირველი სიმპტომების გამოვლენისთანავე.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენება არ ახდენს ზეგავლენას ავტოტრანსპორტისა და მექანიზმების მართვის უნარზე;
შეფუთვა: 7 გ ფხვნილი ერთ პაკეტში. 10 პაკეტი მუყაოს კოლოფში.
აფთიაქიდან გაცემის წესი: III ჯგუფი (ურეცეპტოდ).
ვარგისიანობის ვადა: 2 წელი.
შენახვის პირობები: ინახება 15-25°ჩ ტემპერატურის პირობებში, მშრალ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
