მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ასპირინი (აცეტილსალიცილის მჟავა) 0.5გ №10 ტაბლეტი
ანალგეზური, ანტიპირეტული საშუალება
საერთო დახასიათება:    
საერთაშორისო და ქიმიური სახელწოდება: acetylsalicylic аcid; ; 2-აცეტილოქსიბენზოის მჟავა.
ძირითადი ფიზიკურ-ქიმიური თვისებები: თეთრი ფერის, სუსტი მომჟავო გემოს მქონე ბრტყელცილინდრული ფორმის ნაჭდევიანი ტაბლეტები.

შემადგენლობა: ერთი ტაბლეტი შეიცავს 0,5 გ აცეტილსალიცილის მჟავას; დამხმარე ნივთიერებები: კარტოფილის სახამებელი, ტალკი; ლიმონმჟავა; პოვიდონი.

წამლის ფორმა: ტაბლეტები.

ფარმაკოლოგიური ჯგუფი: ანალგეზური, ანტიპირეტული საშუალება.

ათქ კოდი:   N02B A51.

ფარმაკოლოგიური მოქმედება: პრეპარატი ხასიათდება სიცხის დამწევი, ანალგეზური და ანთების საწინააღმდეგო მოქმედებით, ასევე ამცირებს თრომბოციტების აგრეგაციას.
აცეტილსალიცილის მჟავას მოქმედების ძირითადი მექანიზმია ფერმენტ ციკლოოქსიგენაზას ინაქტივაცია, რის შედეგადაც ფერხდება პროსტაგლანდინების, პროსტაციკლინების და თრომბოქსანის სინთეზი. პროსტაგლანდინების პროდუცირების შემცირების შედეგად მცირდება მათი პიროგენული ზემოქმედება თერმორეგულაციის ცენტრზე. გარდა ამისა, მცირდება პროსტაგლანდინების მასენსიბილიზებელი ზემოქმედება მგრძნობიარე ნერვულ დაბოლოებებზე, რაც ამცირებს მათ მგრძნობელობას ტკივილის მედიატორებისადმი.
თრომბოციტებში თრომბოსან А2-ის სინთეზის შეუქცევადი დარღვევა განაპირობებს პრეპარატის ანტიაგრეგაციულ მოქმედებას.  
ფარმაკოკინეტიკა: აცეტილსალიცილის მჟავა, პრეპარატის მიღების შემდეგ, წარმოქმნის ძირითად მეტაბოლიტს – სალიცილის მჟავას. აცეტილსალიცილის მჟავას და სალიცილის მჟავას შეწოვა საჭმლის მომნელებელ ტრაქტში ხდება სწრაფად და სრულად. სისხლის პლაზმაში კონცენტრაციის მაქსიმალური დონე მიიღწევა 10-20 წუთის შემდეგ. პრეპარატი ორგანიზმიდან გამოიყოფა მეტაბოლიტების სახით, ძირითადად თირკმელებით. ის აღწევს ჰემატოენცეფალურ ბარიერში, ასევე აღმოჩნდება დედის რძეში და სინოვიალურ სითხეში.

ჩვენება:
•    რევმატიზმი, რევმატოიდული ართრიტი;
•    ინფექციურ-ალერგიული მიოკარდიტი;
•    ტემპერატურის აწევა ინფექციურ-ანთებითი დაავადებების დროს;
•    სხვადასხვა გენეზის სუსტი და საშუალო ინტენსივობის ტკივილის სინდრომი (მათ შორის, ნევრალგია, მიალგია, თავის ტკივილი);
•    თრომბოზების და ემბოლიის პროფილაქტიკა; მიოკარდის ინფარქტის პირველადი და მეორადი პროფილაქტიკა; თავის ტვინში სისხლის მიმოქცევის იშემიური ტიპის დარღვევის პროფილაქტიკა;

უკუჩვენება:
•    კუჭ-ნაწლავის ტრაქტის ეროზიულ-წყლულოვანი ტიპის დაზიანებები გამწვავების ფაზაში;
•    ანამნეზში აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიმართ ალერგიულ რეაქციებზე მინიშნების არსებობა;
•    ჰემოფილია;
•    ჰემორაგიული დიათეზი;
•    ჰიპოპროთრომბინემია;
•    პორტალური ჰიპერტენზია;
•    K ვიტამინის დეფიციტი;
•    ღვიძლის და/ან თირკმელების უკმარისობა;
•    გლუკოზო-6-ფოსფატდეჰიდროგენაზას დეფიციტი;
•    რეიეს სინდრომი;
•    ბავშვთა ასაკი 15 წლამდე;
•    ფეხმძიმობის I და III ტრიმესტრი, ლაქტაციის პერიოდი,

მიღების წესი და დოზირება: პრეპარატი მიიღება პერორალურად, ჭამის შემდეგ, წყლის, რძის ან მინერალური წყლის მიყოლებით.
მოზრდილებში: აცეტილსალიცილის მჟავას ერთჯერადი დოზა მერყეობს 50მგ-დან 1გრამამდე; დღიური დოზა – 3გ-მდე;
თავის ტვინში სისხლის მიმოქცევის დარღვევის პროფილაქტიკისა და მკურნალობისთვის ინიშნება 0,125გ-0,3გ დღე-ღამეში.
არასტაბილური სტენოკარდიისა და მიოკარდის ინფარქტის განმეორებითი პროფილაქტიკისთვის საშუალო დღიური დოზაა 0,125გ-0,325გ; ღვიძლისა და თირკმელების ფუნქციის დარღვევების მქონე ავადმყოფებში აუცილებელია დოზის შემცირება ან პრეპარატის მიღებებს შორის შუალედის გაზრდა. ტაბლეტები შეიძლება მიღების წინ გაიხსნას წყალში.

გვერდითი მოვლენები: საჭმლის მომნელებელი სისტემის მხრივ: გულისრევა, ღებინება, ანორექსია, ტკივილი ეპიგასტრიუმის არეში, დიარეა, იშვიათად, ეროზიულ-წყლულოვანი დაზიანების განვითარება, სისხლდენა კუჭ-ნაწლავის ტრაქტიდან, ღვიძლის ფუნქციის დაზიანება;
ცენტრალური ნერვული სისტემის მხრივ: ხანგრძლივად გამოყენებისას შესაძლებელია განვითარდეს თავბრუსხვევა, თავის ტკივილი, მხედველობის შექცევადი დარღვევა, ხმაური ყურებში, ასეპტიკური მენინგიტი;
სისხლწარმომშობი სისტემის მხრივ: იშვიათად - თრომბოციტოპენია, ანემია;
შარდგამომყოფი სისტემის მხრივ: იშვიათად – თირკმელების ფუნქციის დარღვევა, ხანგრძლივად გამოყენებისას – თირკმელების მწვავე უკმარისობა, ნეფროზული სინდრომი;
ალერგიული რეაქციები: იშვიათად – გამონაყარი კანზე, კვინკეს შეშუპება, ბრონქოსპაზმი;

სხვა პრეპარატებთან ურთიერთქმედება:  ანტიკოაგულანტებთან ერთდროული გამოყენებისას იზრდება სისხლდენის განვითარების რისკი. არასტეროიდულ ანთების საწინააღმდეგო საშუალებებთან ერთად მიღებისას აძლიერებს მათ თერაპიულ ეფექტსა და გვერდით ეფექტებს.
აცეტილსალიცილის მჟავათი მკურნალობის ფონზე ძლიერდება მეთოტრექსატის გვერდითი მოქმედება;
აცეტილსალიცილის მჟავასა და სულფონილშარდოვანას ჯგუფის პერორალური ანტიდიაბეტური პრეპარატების ერთდროული მიღებისას ძლიერდება ამ უკანასკნელთა ჰიპოგლიკემიური ეფექტი.
კორტიკოსტეროიდებთან ერთდროული მიღებისას იზრდება კუჭ-ნაწლავის ტრაქტიდან სისხლდენის განვითარების რისკი;
აცეტილსალიცილის მჟავა ამცირებს სპირონოლაქტონის, ფუროსემიდის  და იმ ანტიჰიპერტენზიული საშუალებების ეფექტს, რომლებიც ხელს უწყობენ შარდის მჟავას გამოყოფას ორგანიზმიდან;

დოზის გადაჭარბება: მსუბუქი ხარისხის მოწამვლისას შესაძლოა განვითარდეს გულისრევა, ღებინება, ტკივილი ეპიგასტრიუმის უბანში, ასევე, ხმაური ყურებში, თავბრუსხვევა, მხედველობის დაბინდვა, სმენის დაქვეითება.
მნიშვნელოვანი ხარისხის მოწამვლისას აღინიშნება აზროვნების დაბინდვა, ძილიანობა, კოლაფსი, კანკალი, ქოშინი, სულის შეხუთვა, გაუწყლოება, ჰიპერთერმია, კომა, შარდის ტუტე რეაქცია, მეტაბოლური აციდოზი, ნახშირწყლოვანი ცვლის დარღვევა.
აცეტილსალიცილის მჟავას ლეტალური დოზა მოზრდილებისთვის შეადგენს 10გ-ს, ხოლო ბავშვებისთვის – 3გ-ზე მეტს.
მკურნალობა: მჟავურ-ტუტოვანი წონასწორობის მდგომარეობის და ელექტროლიტური ბალანსის მიხედვით ატარებენ ნატრიუმის ჰიდროკარბონატის, ნატრიუმის ციტრატის და ნატრიუმის ლაქტატის ხსნარების ინფუზიურ შეყვანას ორგანიზმში.

ორსულობისა და ლაქტაციის პერიოდი: ორდულობის I და III ტრიმესტრში აცეტილსალიცილის მჟავას მიღება უკუნაჩვენებია. III ტრიმესტრში აცეტილსალიცილის მჟავას გამოყენებისას დოზით 500მგ/დღე-ღამეში და უფრო მეტი, შესაძლოა ადგილი ჰქონდეს ნაყოფთან მიმავალი არტერიული სადინარის ობტურაციას დროზე ადრე, რის გამოც შეიძლება განვითარდეს ფილტვის არტერიის ჰიპერტენზია, თირკმელების დისფუნქცია ოლიგურიით და ზოგჯერ უკმარისობით, ორსულობის ბოლო პერიოდში - დედისა და ნაყოფის სისხლდენის დროის გახანგრძლივება. ორსულობის II ტრიმესტრში დასაშვებია აცეტილსალიცილის მჟავის ეპიზოდური გამოყენება. იმის გამო, რომ სალიცილატები აღწევენ დედის რძეში მცირე რაოდენობით, აუცილებლობის შემთხვევაში ლაქტაციის პერიოდში მათი გამოყენებისას ბავშვს უნდა შეუწყდეს დედის რძით კვება.

გამოყენება პედიატრიაში: აცეტილსალიცილის მჟავას გამოყენებისას ბავშვებში 15 წლამდე, რომელთაც აღენიშნებათ ჰიპერთერმია (ცხელება) ვირუსულ ინფექციასთან ან მწვავე რესპირატორულ დაავადებებთან ერთად იზრდება რეის სინდრომის განვითარების რისკი (თავის ტვინისა და ღვიძლის დაზიანება). ამიტომ სალიცილის მჟავას გამოყენება პაციენტების მოცემული ჯგუფისთვის უკუნაჩვენებია და შეიძლება დაინიშნოს მხოლოდ შეზღუდული ჩვენების შემთხვევებში (მწვავე რესპირატორული ცხელება, პერიკარდიტი);

განსაკუთრებული მითითებები:
გამოყენება ქირურგიული ჩარევების პერიოდში: დაგეგმილ ქირურგიულ ოპერაციებამდე 5-7 დღით ადრე უნდა შეწყდეს აცეტილსალიცილის მჟავას მიღება, რათა შემცირდეს სისხლდენების განვითარების რისკი ოპერაციის მსვლელობისას და მის შემდგომ პერიოდში.
აცეტილსალიცილის მჟავას ხანგრძლივი დროით გამოყენება: აცეტილსალიცილის მჟავას ხანგრძლივი დროით გამოყენების აუცილებლობის შემთხვევაში უნდა მოხდეს პერიფერიული სისხლის სურათის კონტროლი და შემოწმდეს განავალი ფარული სისხლდენის არსებობაზე, განსაკუთრებით იმ პირებში, რომლებსაც აღენიშნებათ კუჭ-ნაწლავის ტრაქტის ეროზიულ-წყლულოვანი დაზიანებები, კუჭ-ნაწლავის სისხლდენები ანამნეზში, თირკმელების და ღვიძლის ფუნქციის დარღვევები;
გამოყენება სასუნთქი სისტემის პათოლოგიების მქონე პირებში: პაციენტებში ბრონქული ასთმით, ცხვირის პოლიპოზით და თივის ცხელებით, აცეტილსალიცილის მჟავას გამოყენებამ შესაძლოა გამოიწვიოს დაავადების გამწვავება;

ზემოქმედება სატრანსპორტო საშუალებების და მექანიზმების მართვის უნარზე: არ ახდენს ზეგავლენას;

შეფუთვა: 10 ტაბლეტი პოლივინილქლორიდისა და ალუმინის ფოლგის ბლისტერზე.

შენახვა: ინახება არაუმეტეს
25°C ტემპერატურის პირობებში ბავშვებისთვის მიუწვდომელ ადგილზე.

ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!

ვარგისიანობის ვადა:  4 წელი.

აფთიაქიდან გაცემის წესი: ფარმაცევტული პროდუქტის ჯგუფი III – გაიცემა ურეცეპტოდ.



"
Copyright (c) 2010 NEOPHARMI+ LTD - All Rights Reserved