მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ნეოსპირინი + C #10 პაკეტი
არასტეროიდული ანთების საწინააღმდეგო საშუალება + ვიტამინი C

წამლის ფორმა:  შუშხუნა ფხვნილი.

გენერიული სახელწოდება: აცეტილსალიცილის მჟავა +   ასკორბინის მჟავა )

ფარმაკოლოგიური ჯგუფი: არასტეროიდული ანთების საწინააღმდეგო საშუალება + ვიტამინი C

ერთი პაკეტის შიგთავსის შემადგენლობა:
აცეტილსალიცილის მჟავა  _ 400მგ;
ასკორბინის მჟავა _ 240მგ;  
დამხმარე ნივთიერებები: ნატრიუმის ჰიდროკარბონატი, ლიმონმჟავა, ნატრიუმის კარბონატი, სახარინი, ფორთოხლის არომატიზატორი, კალციუმის ფოსფატი, პოლივინილპიროლიდონი;

ფარმაკოლოგიური მოქმედება: აცეტილსალიცილის მჟავა არასტეროიდული ანთების საწინააღმდეგო საშუალებაა, აქვს ანალგეზიური, სიცხის დამწევი მოქმედება. ასკორბინის მჟავას აქვს ანტიოქსიდანტური, ანთების საწინააღმდეგო მოქმედება. აძლიერებს ორგანიზმის წინააღმდეგობის უნარს ინფექციური დაავადებების მიმართ.
ფარმაკოკინეტიკა: პერორალური მიღების შემდეგ აცეტილსალიცილის მჟავას მაქსიმალური კონცენტრაცია (ჩმახ) სისხლის პლაზმაში მიიღწევა 3 სთ-ში.
პრეპარატის კავშირი პლაზმის ცილებთან შეადგენს 80-85%-ს, დოზის მომატებით პლაზმის ცილებთან მისი შეკავშირების ხარისხი 50%-მდე მცირდება.
აცეტილსალიცილის მჟავა განიცდის ნაწილობრივ მეტაბოლიზმს ღვიძლში, ნაკლებად აქტიური მეტაბოლიტების წარმოქმნით.
გამოიყოფა თირკმელების საშუალებით, როგორც შეუცვლელი, ასევე მეტაბოლიტების სახით.
პრეპარატის ექსკრეციის სიჩქარე და ხარისხი დამოკიდებულია შარდის PH-ზე.  
                            
ჩვენება: გამოიყენება ტემპერატურის დასაწევად, ტკივილის მოსახსნელად, ორგანიზმის მოსაძლიერებლად გრიპის, მწვავე რესპირატორული და სხვა ცხელებით მიმდინარე დაავადებების დროს.                          
                           
გვერდითი მოვლენები: იშვიათ შემთხვევაში შეიძლება აღინიშნოს ჰიპერერგული რეაქციები (ბრონქოსპაზმი, კანის რეაქციები). იშვიათ შემთხვევებში _ კუჭ-ნაწლავის მხრიდან სისხლდენები, სისხლში თრომბოციტების რაოდენობის შემცირება (თრომბოციტოპენია).

უკუჩვენება: ალერგიული რეაქციები, ორსულობის ბოლო ტრიმესტრი, ლაქტაცია,  კუჭის და თორმეტგოჯა ნაწლავის ქრონიკული დაავადებები, სისხლდენისადმი მომეტებული მიდრეკილება, ანტიკოაგულანტებთან ერთდროული დანიშვნა. პრეპარატის დანიშვნა ბავშვებში და 15 წლამდე მოზარდებში არ შეიძლება.
“ნეოსპირინი+ჩ”_ს ფხვნილის გამოყენება არ შეიძლება ბავშვებში რეის სინდრომის განვითარების საშიშროების გამო.

სიფრთხილე: პრეპარატი სიფრთხილის დაცვით უნდა გამოიყენოთ ანტიკოაგულანტებით თანმხლები მკურნალობისას, პოდაგრის, კუჭის ან/და თორმეტგოჯა ნაწლავის წყლულოვანი დაავადებების დროს (ანამნეზში), ეროზიული გასტრიტის, კუჭ-ნაწლავის ტრაქტიდან სისხლდენისადმი მიდრეკილების, ჰიპოთრომბინემიის, K  ჰიპოვიტამინოზის, ანემიის, ორგანიზმში სითხის შეკავების მდგომარეობის (მათ შორის გულის ფუნქციური დარღვევა, არტერიული ჰიპერტენზია), თირეოტოქსიკოზის დროს.

პრეპარატის ურთიერთქმედება სხვა სამკურნალო საშუალებებთან: აძლიერებს მეთოტრექსატის ტოქსიკურობას, ნარკოტიკული ანალგეზიურების, სხვა ანთების საწინააღმდეგო საშუალებების, პერორალური ჰიპოგლიკემიური პრეპარატების, ჰეპარინის, არაპირდაპირი ანტიკოაგულანტების, თრომბოლიზურების და თომბოციტების აგრეგაციის ინჰიბიტორების, სულფანილამიდების (მათ შორის ტრიმოქსაზოლის), ტრიიოდოთირონინის, რეზერპინის ეფექტებს. აქვეითებს ურიკოზურიული პრეპარატების (ბენზბრომარონი, სულფინპირაზონი), ჰიპოტენზიური საშუალებების და შარდმდენების (სპირონოლაქტონი, ფუროსემიდი) ეფექტებს.
გლუკოკორტიკოსტეროიდები, ალკოჰოლი და ალკოჰოლის შემცველი პრეპარატები აძლიერებენ კუჭ-ნაწლავის ტრაქტის ლორწოვან გარსზე დამაზიანებელ მოქმედებას, ზრდიან კუჭ-ნაწლავის ტრაქტიდან სისხლდენების განვითარების რისკს. ზრდის დიგოქსინის, ბარბიტურატების და ლითიუმის პრეპარატების კონცენტრაციას სისხლის პლაზმაში.
ასკორბინის მჟავა აუმჯობესებს ნაწლავში რკინის პრეპარატების შეწოვას.
 
მიღების წესი და დოზირება: შუშხუნა ფხვნილი მიღების წინ უნდა გაიხსნას 100მლ ცხელ წყალში. ხსნარი მიიღება პერორალურად.
მოზრდილებში: 1-2 პაკეტის შიგთავსი 3_ჯერ დღეში.
მოზარდებში 15 წლიდან: 1 პაკეტის შიგთავსი 3_ჯერ დღეში.

ორსულობა და ლაქტაცია: პრეპარატის მიღება ორსულობის (განსაკუთრებით ლ და ლლლ ტრიმესტრი) და ლაქტაციის პერიოდში დაუშვებელია ექიმთან კონსულტაციის გარეშე.

ზემოქმედება ავტოტრანსპორტისა და სხვა მექანიზმების მართვის უნარზე: პრეპარატის მიღება არ ახდენს ზემოქმედებას ყურადღების კონცენტრირებაზე ავტოტრანსპორტისა და სხვა მექანიზმების მართვის დროს. 

გამოშვების ფორმა: 2გ შუშხუნა ფხვნილი პაკეტში. 10 პაკეტი თავსდება მუყაოს კოლოფში ინსტრუქციასთან ერთად. 

ვარგისიანობის ვადა:  2 წელი.

ვიზუალური დათვალიერების შედეგად აღმოჩენილი დეფექტების შემთხვევაში და ვარგისობის ვადის გასვლის შემდეგ პრეპარატის მიღება დაუშვებელია!

შენახვა: ინახება მშრალ, სინათლისგან დაცულ ადგილზე, 8-15ºC ტემპერატურის პირობებში.

აფთიაქიდან გაცემის წესი: ფარმაცევტული პროდუქტის ჯგუფი III – გაიცემა ექიმის რეცეპტის გარეშე.



"
Copyright (c) 2010 NEOPHARMI+ LTD - All Rights Reserved