მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ოკულმირტი 350მგ #30 ტაბ
ანტიოქსიდანტური საშუალება
შემადგენლობა:            
აქტიური ინგრედიენტი:
მოცვის სქელი ექსტრაქტი – 350მგ.
(Extractum Myrtilli spissum)
არააქტიური ინგრედიენტები: სახამებელი, მაგნიუმის კარბონატი, კალციუმის ან მაგნიუმის სტეარატი, ტალკი.
აღწერა: მომჟავო გემოს მქონე, მოლურჯო-შავი ფერის ტაბლეტები, სხვადასხვა ფერის ლაქოვანი ჩანართებით.
ფარმაკოლოგიური ჯგუფი: ანტიოქსიდანტური საშუალება.
ფარმაკოლოგიური მოქმედება:   მოცვის ექსტრაქტს ახასიათებს ანტიოქსიდანტური, ანტიმიკრობული და ანთების საწინააღმდეგო მოქმედება. ამცირებს კაპილარების სიმყიფეს, ზრდის მათ ელასტიურობას (აუცილებელია კოლაგენის სინთეზისთვის, რომელიც გავლენას ახდენს სისხლძარღვების კედლების ელასტიურობაზე, ასტიმულირებს მუკოპოლისაქარიდების სინთეზს); აუმჯობესებს უჯრედების მემბრანების დრეკადობას, ახდენს ენდოთელიალური უჯრედების ფოსფოლიპიდების სტაბილიზირებას, ხელს უშლის თრომბოციტების აგრეგაციას.  
აუმჯობესებს თვალის კაპილარების მდგომარეობას და თვალის გარსის სისხლმომარაგებას, ახდენს ბადურის პიგმენტის როდოპსინის რეგენერაციას, აძლიერებს მის მგრძნობელობას სინათლის ინტენსივობის ცვლილებებზე, აუმჯობესებს მხედველობის ადაპტაციას სიბნელეში და მხედველობის სიმახვილეს. უზრუნველყოფს თვალის სტრუქტურების ბუნებრივ დაცვას დაბერების პროცესებისაგან (ანტიოქსიდანტური მოქმედება), ხელს უწყობს თვალის ქსოვილებში ნივთიერებათა ცვლის ნორმალიზებას, ანეიტრალებს თავისუფალ რადიკალებს და იცავს თვალის ქსოვილებს მათი დამაზიანებელი მოქმედებისაგან. აძლიერებს თვალის ბუნებრივ უნარს შთანთქას და გაანეიტრალოს აგრესიული გამოსხივება (სინათლის ნაკადის სპექტრის ხილული ცისფერი ნაწილი, ულტრაიისფერი და მაიონიზირებელი გამოსხივება), ხელოვნურ განათებაზე ხანგრძლივი მუშაობისას იცავს თვალს დაღლისაგან და გაღიზიანებისაგან.
ახდენს ნაწლავური ტოქსინების ადსორბციას, ნაწლავის ლორწოვანი გარსის ზედაპირულ შრეზე წარმოქმნის სქელ ცილოვან აპკს, რომელიც იცავს ქსოვილის უჯრედებს სხვადასხვა გამღიზიანებლისაგან, შესაბამისად ამცირებს ტკივილებს და ანთებით პროცესებს, ანელებს ნაწლავების პერისტალტიკას და აუმჯობესებს შეწოვის პროცესს. ასევე ამცირებს დისპეფსიურ მოვლენებს, რომელიც გამოწვეულია დუღილის და ლპობის პროცესების გაძლიერებით, ახასიათებს შემკვრელი მოქმედება.
ფარმაკოკინეტიკა: პერორალურად მიღებისას ,,ოკულმირტი’’-ს შემადგენლობაში შემავალი ანთოციანოზიდები სწრაფად შეიწოვება კუჭ-ნაწლავის ტრაქტიდან და ნაწილდება ქსოვილებში. გამოიყოფა საშარდე და სანაღვლე გზებით 3 ფაზიანი ფარმაკოკინეტიკური ტიპის მიხედვით.  
ჩვენებები:
•    სხვადასხვა ეტიოლოგიის თვალის ბადური დისტროფული ცვლილებები.
•    ახლომხედველობა (განსაკუთრებით მოსწავლეებში);
•    სიბნელისადმი მხედველობის ადაპტაციის უნარის დარღვევა;
•    თვალის "დაღლის" სინდრომი;
•    თვალის სტრუქტურების დაბერების პროცესის პროფილაქტიკა;
•    თვალის დაავადებათა პროფილაქტიკა დიაბეტისა და არტერიული ჰიპერტენზიის დროს.
•    საერთო გამაჯანსაღებელი საშუალება თვალის დაავადებების პირველი ნიშნების დროს და ზედმეტ გამოსხივებასთან დაკავშირებული ზოგიერთი პროფესიული დაავადებების პროფილაქტიკისათვის (მსახიობი, ტელევიზიის თანამშრომელი, კომპიუტერთან ხანგრძლივად მომუშავე, რენტგენოლოგი, ალპინისტი, მოთხილამურე და სხვა).
•    კუჭ-ნაწლავის ტრაქტის სხვადასხვა ეტიოლოგიის დაავადებები: საჭმლის მონელების დარღვევა, დისპეფსია, ენტეროკოლიტები, კუჭის და თორმეტგოჯა ნაწლავის წყლულოვანი დაავადებები.
უკუჩვენება: მომატებული მგრძნობელობა პრეპარატში შემავალი კომპონენტების მიმართ, ყაბზობა, ნეფროლითიაზი, ოქსალატურია.
მიღების წესი და დოზირება: პერორალურად.
3-დან 6 წლამდე ასაკის ბავშვები: თითო ტაბლეტი 2-ჯერ დღეში საკვების მიღების შემდეგ;
6-დან 12 წლამდე ასაკის ბავშვები: თითო ტაბლეტი 3-ჯერ დღეში საკვების მიღების შემდეგ;
მოზრდილები და ბავშვები 12 წლის ზევით: 1 - 2 ტაბლეტი 3-ჯერ დღეში საკვების მიღების შემდეგ.
სამკურნალო ეფექტი ვითარდება მკურნალობის დაწყებიდან პირველი სამი კვირის განმავლობაში და ძლიერდება პრეპარატის რეგულარული მიღებისას.
მხედველობის გამაუმჯობესებელი საშუალების სახით გამოყენებისას მკურნალობის კურსის ხანგრძლივობა შეადგენს 1-2 თვეს. სასურველია განმეორებითი კურსის ჩატარება;
პროფილაქტის მიზნით პრეპარატის მიღება შეიძლება ორთვიანი კურსის სახით წელიწადში ორჯერ.
სხვა შემთხვევებში პრეპარატის მიღება ხდება ჩვენებების მიხედვით.
დოზის გადაჭარბება: დოზის გადაჭარბების შემთხვევები არ არის დაფიქსირებული.
ორსულობისა და ლაქტაციის პერიოდი: ორსულობისა და ლაქტაციის პერიოდში პრეპარატის გამოყენების  შესახებ მონაცემები არ არის წარმოდგენილი.
გვერდითი მოვლენები: რეკომენდირებულ დოზებში პრეპარატის გამოყენებისას გვერდითი მოვლენები არ არის დაფიქსირებული. იშვიათ შემთხვევებში შესაძლებელია ალერგიული რეაქციების განვითარება.
სხვა პრეპარატებთან ურთიერთქმედება: არ არის ცნობილი.
შეფუთვა: პირველადი შეფუთვა: 10 ტაბლეტი ბლისტერზე.
მეორეული შეფუთვა: 3 ბლისტერი მუყაოს კოლოფში ინსტრუქციასთან ერთად.
შენახვა: ინახება მშრალ,  სინათლისაგან დაცულ  და  ბავშვებისთვის მიუწვდომელ ადგილას ოთახის ტემპერატურის პირობებში.
ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!
ვარგისიანობის ვადა:  2 წელი.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.



"
Copyright (c) 2010 NEOPHARMI+ LTD - All Rights Reserved